أمي

موضوع: أمي 22/04/08, 11:17 pm

يا امي

يا امي حبك بقلبي امبين و مش متخبي
يا امي الله يحفظك و يخليكي منورالي دربي

يا امي الله يخليكي لألي علي طول
يا امي ربنا يحفظك من كل شر مش معقول
يا امي ربيت بحضنك و هلء عنك مسئول
يا امي مهما طال الزمن و مهما يطول

راح تضلي نبض قلبي نور بصري لحن شفتي
لأنو بدعواتك بيسهلي ربي دربي
كلماتك في وقت جرحي بتكون لألي سندي
يا امي مهما احكي ما راح اوصف الي بقلبي

لأنو بقلبي كلام بعجز عن وصفو اللسان
بس بحكيلك كلمة انك عن جد ربيتي انسان
ما في أي كلام عن هالحقيقة ولا كتمان
بتذكرك يا امي و رب العزة بكل مكان
يا امي حبك بقلبي امبين و مش متخبي
يا امي الله يحفظك و يخليكي منورالي دربي

صدقيني يا امي راح ارفع راسك علي طول
راح يضل صوتي طالع مع صوت هالطبول
راح ابقى مغنيلك هالغنية علي طول
بحبك يا امي يا احلى ما في الكون

بتذكر يا امي لما كنت ب 10 سنين
كنتي تخافي عليا من هالجنود المجانين
كنتي تحكيلي عن جدودي المساكين
الي نسلبت منهم ارضهن ولسا صامدين

يا امي علمتيني من صغري علي الجهاد
بس مش أي جهاد ,جهاد للبلاد عن طريق الكلمات
كنتي تعلميني كيف الشعر
واليوم اتعلمت كيف اغني اغاني الراب
يا امي حبك بقلبي امبين و مش متخبي
يا امي الله يحفظك و يخليكي منورالي دربي

يا امي حبك بقلبي راح يضلو علي طول
يا امي حبك بقلبي بالمرة ما حيزول
يا امي وانتي جنبي بحس بامان مش معقول
يا امي مهما ازيد بكلماتي مهما اقول

بس بحاول اسد جزء من عطفك و جزاكي
جزاكي لما كنتي تشاركيني في سعادتي
جزاكي لما كنتي تسهري طول الليالي
جزاكي لما كان كل همك راحة بالي
بتذكر كمان لما كنت كتير صغير
كنتي تطعميني و تشربيني للتعيشيني و صير كبير
لالك يا امي خالص الحب والتقدير
بالمرة ما راح انسى قلبك الحنون الكبير

يا امي حبك بقلبي امبين و مش متخبي
يا امي الله يحفظك و يخليكي منورالي دربي

موضوع: رد: أمي 22/04/08, 11:39 pm

شكرا الك وهاي موضع حلو اكتير
تحياتي علاء قديح

موضوع: رد: أمي 23/04/08, 04:12 pm

موضوع مميز عن الأم و كلمات روعة

مشكورة سانيوريتا